Tuesday, April 20, 2010

"Don't do it" or just Do it Right?

Expo Georgia-ზე თვალში მეცა ერთ-ერთი წარმოდგენილი კომპანიის სლოგანი ”ნუ დარჩები კანონთან მარტო!”, რამაც იმთავითვე დამაფიქრა ჩემს მიერ დაწერილი ანტინარკოტიკული მედია კამპანიის სლოგანის ”ნუ გახდები მოგონება! ნუ გახდები სტატისტიკა!” ავ-კარგიანობაზე. აღმოჩნდა, რომ ამ სლოგანში ავი უფრო მეტია, ვიდრე კარგიJ ჩემი მედია კამპანია ჯერ არ განხორციელებულა. კონცეფციას ახლაც ვხვეწავ და რეგულარულად გავდივარ კონსულტაციას ჩემს მეგობართან, ფსიქოლოგ გოჩა გოშაძესთან. გოჩასთან კონსულტაცია ამა თუ იმ აქტივობისა თუ შეტყობინების ეფექტიანობის უფასო ტესტირებას ჰგავს.

მათ კი, ვინც არც გოჩას იცნობს და არც ტესტირების დრო აქვს, პიარ ჰიპერმარკეტში უფასო რჩევას მივცემ. იმას ნამდვილად ვერ გეტყვით - კანონთან მარტო ნუ დარჩებითთქო! პირველ რიგში, არ გეტყვით იმიტომ, რომ ადამიანის გონებამდე DO NOT (”არ” ან ”ნუ”) აღწევს მხოლოდ იმ შემთხვევაში, როდესაც ეს გზავნილი ან შეგონება მიმაგრებულია პოზიტივზე. რაც არ უნდა წერონ სიგარეტის კოლოფზე ”სიგარეტის მოწევა იწვევს სიკვდილს”, მავნე ჩვევაზე უარს მხოლოდ იმ შემთხვევაში ვამბობთ თუკი ჩვენი ქმედებით სხვა ადამიანს ვაყენებთ ზიანს. ამიტომ ისიც გასაგებია თუ რატომ აჭრელდა სიგარეტის კოლოფები ისეთი მრავალფეროვანი მესიჯებით, რომლებიც მეტწილად მოგვიწოდებენ პასუხისმგებლობისკენ და მეტ-ნაკლებად ზრდიან ამის მოტივაციას ჩვენში (მაგალითად - ”თქვენ საფრთხეს აყენებთ თქვენს ნაყოფს”, ”სიგარეტი ვნებს ორსულობას”, ”პასიური მოწევა ასევე საშიშია” და ა.შ.). ერთ-ერთი გამოკითხვის შედეგმა ცხადჰყო, რომ თვითფრინავის ვარდნის, ან სავარაუდო ავიაკატასტროფის შემთხვევაში მგზავრი საკუთარი თავის გადარჩენაზე კი არ ფიქრობს, არამედ განიცდის იმას თუ რამხელა ტკივილს მიაყენებს თავისი სიკვდილით ოჯახსა და სამეგობროს... შესაბამისად, პასუხისმგებლობის აქცენტირებამ მეტ-ნაკლებად გაამართლა მოწევის შემთხვევაშიც.

რა თქმა უნდა, მოწოდება DO NOT Cross, DO NOT Enter, DO NOT Smoke, DO NOT Touch, DO NOT Exit თვალშისაცემია, მაგრამ მისაღებია მხოლოდ DO NOT WORRY, რომელიც პირდაპირ გვეუბნება ”ნუ” ღელავ, დამშვიდდი, ”არ” ინერვიულო, ყველაფერი კარგად იქნება. ახლა, ვნახოთ რას გვეუბნებიან ახალგაზრდა იურისტები. ისინი ხაზგასმით გვეუბნებიან ”ნუ დარჩები კანონთან მარტო!” ბატონებო, კანონი არ არის მონსტრების კორპორაცია, რომ გეშინოდეს! ისეთ კანონს კი, რომელთანაც მარტო დარჩენა სახიფათოა და საშიში - ეწოდება უკანონობა და ამ შემთხვევაში თქვენ, იურისტებს ისეთივე ფუნქციონალური დატვირთვა გენიჭებათ, როგორიც აქვთ ადვოკატებს სასამართლო გარიგებისას - შუამავლის და არა (და)მცველის. თქვენ იურისტები ხართ და არა მაკლერები. შესაბამისად, შუამავლის ისეთი ფუნქცია, როგორიც ახლა აღვწერე, ზიანს აყენებს თქვენს იმიჯს და ეჭვქვეშ აყენებს თქვენს შესაძლებლობებს. იმავეს ვეტყოდი იმ პოლიტიკოსებს, რომლებმაც ლოზუნგის - ”საქართველო იქცევა პენთჰაუზების ქვეყნად” ვითომდა საპირწონედ (?!) საზოგადოებას შესთავაზეს ცალსახად ნეგატიური მოწოდება ”საქართველოს კარვების ქვეყნად ვაქცევთ!”.


პ.ს. მორალი - ისწავლეთ საკუთარი თავის პოზიციონირება! მოახდინეთ საკუთარი თავის სწორი პოზიციონირება!

პ.პ.ს. საუკეთესო სურვილებით:)))

11 comments:

  1. დიდი მადლობა, არაჩვეულებრივი პოსტია ...:)))

    ReplyDelete
  2. Just do it? :D:D:D

    ხუმრობა იქით იყოს და საქართველოში ბაზარი არაა იმ დონემდე განვითარებული, რომ მსგავსმა არაფრის მომცემმა სლოგანმა დიდი ზიანი მიაყენოს კომპანიას ან პირიქით შემატოს რამე. აქ სლოგანი ფორმალობა უფროა ვიდრე კლიენტების მოსაზიდი ხერხი ანდა ბრენდის შემკვრელი ერთ-ერთი ფაქტორი...

    კრიტიკით და ერთმანეთთან ჯანმრთელი კამათით კი ბევრის მიღწევაა შესაძლებელი, რაც აუცილებელია საქართველოსთვის და სხვადასხვა ქართული ჩვევა-ქცევებისთვის... :)

    წარმატებები!

    ReplyDelete
  3. ცუდმა სლოგანმა შესაძოა ზიანი არ მოუტანოს კომპანიას, მაგრამ ვერც ახეირებს. მეტ–ნაკლებად სლოგანი მაინც მოქმედებს მომხმარებელზე და განწყობას უქმნის კომპანიის მიმართ. ეს კი უკვე საქმეა, რადგან ასე თუ ისე, კონკურენცია მაინც არსებობს ბაზარზე. ვიზრდებითდა თუ ვიზრდებით სწორად გავიზარდოთ, თორემ მერე გადაკეთება რთულია :)

    ReplyDelete
  4. ანონიმო და ანუკა,
    სლოგანი გამოხატავს დედააზრს, პროდუქტის, სერვისის თუ კონკრეტული გუნდის არსს. პოზიციონირებისთვის არ არის საკმარისი იყო ”ლიდერი ლიდერთა შორის”. შენი სლოგანი / დევიზი უნდა გამოხატავდეს შენს კონკურენტულ უპირატესობას და არ იყოს აბსტრაქტული, როგორც ეს ხშირად ხდება. რა კონკურენტულ უპირატესობაზე და პოტენციალზე ამახვილებს ჩვენს ყურადღებას დევიზი ”ნუ (ან არ) დარჩეთ კანონთან მარტო!”??? გოტემის ბნელი რაინდები ვართ და დაკანონებულ უკანონობას ვებრძვითო?

    ReplyDelete
  5. Anonymous,

    ვერ დაგეთანხმები რომ სლოგანი განუვითარებელი ბაზრის პირობებში ბრენდის შემკვრელი ერთ-ერთი ფაქტორი არ არის - სლოგანის, ისევე როგორც რეკლამის ძალა დარწმუნების ტექნიკაში მდგომარეობს და როგორც წესი ეს ტექნიკა ქვეცნობიერზე მუშაობს და არა ცნობიერზე. რაც უფრო ნაკლებად არის განვითარებული მომხმარებელი, რაც ნიშნავს რომ მას არ ან ნაკლებად შესწევს მესიჯის ანალიზის უნარი, მით უფრო მნიშვნელოვანია მესიჯის სწორად მიწოდება.

    ReplyDelete
  6. ოქრო ხარ თაკო - ჩემზე ათასჯერ უკეთ ახსენი:)) გმადლობთ

    ReplyDelete
  7. პირადად მე ეს სტატია იმიტომ წავიკითხე, რომ დამაინტრიგა სათაურმა "don do it or just do it right"..მშვენიერი ასოციაციების დიდი სპექტრი გაიშალა და სიამოვნებით ჩავამთავრე სტსტიაც...ასეა სწორად შერჩეული სლოგანიც:შეიძლება ბევრს ბრძნულს არაფერს ამბობდეს, მაგრამ, თაკოს თქმის არ იყოს, ქვეცნობიერზე უნდა იმოქმედოს წარმატებით ;)

    ReplyDelete
  8. დიდი მადლობა ყველას დისკუსიისთვის:) არც მე მაქვს იმის პრეტენზია, რომ ჩემს კომპანიას სრულყოფილი სლოგანი აქვს, მაგრამ ჩვენი სლოგანი "მეცნიერება და კრეატივი მარკეტინგში" სწორედ კლიენტის მისამართით გაცემული მესიჯია - ჩვენ ვეყრდნობით კვლევის ინოვაციურ, მაგრამ საათივით ზუსტ მეთოდებს და მასზე დაყრდნობით ვთავაზობთ ჩვენს კლიენტებს სანდო ინფორმაციას და ამ ინფორმაციაზე დაფუძნებულ სტრატეგიულ გადაწყვეტილებებს :) მოკლედ, გოტემის ბნელი რაინდები არ ვართ :)

    ReplyDelete